പുരസ്കാര മികവിൽ തളിയൽ മഹാദേവ വിലാസം എൻ എസ് എസ് കരയോഗം

തിരുവനന്തപുരം താലൂക്ക് എൻ എസ് എസ് യൂണിയന് കീഴിൽ സമ്പൂർണ്ണ ഡിജിറ്റൽ സാങ്കേതിക വിദ്യ നടപ്പിലാക്കിയ ആദ്യത്തെ എൻ എസ് എസ് കരയോഗം എന്ന പുരസ്‌കാരത്തിന് തളിയൽ മഹാദേവ വിലാസം എൻ എസ് എസ് കരയോഗം അർഹരായി. തിരുവനന്തപുരം താലൂക്ക് എൻ എസ് എസ് യൂണിയന് കീഴിലുള്ള നൂറ്റിഎഴുപത്തഞ്ചോളം കാരയോഗങ്ങളിൽ നിന്നാണ് തളിയൽ എൻ എസ് എസ് കരയോഗം ഈ ഒരു പ്രത്യേക പുരസ്‌കാരത്തിന് തിരഞ്ഞെടുക്കപ്പെട്ടത്. 2026 മാർച്ച് 14 ന് നീറമൺകര എൻ എസ് എസ് കോളേജ്‌ ഓഡിറ്റോറിയത്തിൽ സംഘടിപ്പിച്ച വിശേഷാൽ സമ്മേളനത്തിൽ എൻ എസ് എസ് വൈസ് പ്രസിഡന്റും തിരുവനന്തപുരം എൻ എസ് എസ് താലൂക്ക് യൂണിയൻ പ്രസിഡന്റുമായ ശ്രീ. എം. സംഗീത് കുമാർ അവർകൾ പുരസ്‌കാരം തളിയൽ എൻ എസ് എസ് കരയോഗം ഭാരവാഹികൾക്ക് കൈമാറി. പ്രസ്തുത സമ്മേളനത്തിൽ വിവിധ കരയോഗങ്ങളിൽ നിന്നുള്ള അംഗങ്ങൾക്കുള്ള അനുമോദനവും വിവിധ പദ്ധതികൾക്കുള്ള ധനസഹായ വിതരണവും നടന്നു.

അവധിക്കാല സഹവാസ ക്യാമ്പ് - "മാമ്പഴക്കാലം"

തിരുവനന്തപുരം താലൂക്ക് എൻ എസ് എസ് യൂണിയൻ ബാലസമാജം അംഗങ്ങൾക്കായി അവധിക്കാല സഹവാസ ക്യാമ്പ് - "മാമ്പഴക്കാലം" മെയ് 2-ന് സംഘടിപ്പിക്കുന്നു. പങ്കെടുക്കാൻ താല്പര്യം ഉള്ളവർ സെക്രട്ടറിയെ ബന്ധപ്പെടേണ്ടതാണ്. ഫോൺ നമ്പർ: 9847718468

വിശേഷാൽ പൊതുയോഗവും വെബ്സൈറ്റ് ഉത്‌ഘാടനവും

08-03-2026, ഞായറാഴ്ച രാവിലെ 10:00 മണിക്ക് കരയോഗ മന്ദിരത്തിൽ വെച്ച് നടന്ന വിശേഷാൽ പൊതുയോഗത്തിൽ ആരാധ്യനായ എൻ. എസ്. എസ്. വൈസ്പ്രസിഡന്റും, തിരുവനന്തപുരം താലൂക്ക് എൻ എസ് എസ് യൂണിയൻ പ്രസിഡന്റുമായ ശ്രീ. എം. സംഗീത് കുമാർ മുഖ്യാഥിതി ആയി പങ്കെടുത്തു. നമ്മുടെ കരയോഗത്തിന്റെ പുതുതായി നിർമ്മിച്ച വെബ്സൈറ്റിന്റെ ഉത്‌ഘാടനം ശ്രീ. എം. സംഗീത് കുമാർ അവർകൾ നിർവഹിച്ചു. കൂടാതെ ഡോക്ടറേറ്റ് ലഭിച്ച ഭരണസമിതി അംഗം ശ്രീ. നന്ദൻ എസ് - നെ പ്രസ്തുത യോഗത്തിൽ വെച്ച് ആദരിച്ചു. ബഹുമാന്യനായ കേരള പൊതുവിദ്യാഭ്യാസ മന്ത്രി ശ്രീ. വി. ശിവൻകുട്ടി ചടങ്ങിൽ സന്നിഹിതനായിരുന്നു. തിരുവനന്തപുരം കോർപറേഷനിലെ നെടുങ്കാട്, കരമന, കാലടി എന്നീ വാർഡുകളിൽ പുതുതായി തിരഞ്ഞെടുക്കപ്പെട്ട കോർപറേഷൻ കൗൺസിലർമാരെയും പ്രസ്തുത യോഗത്തിൽ ആദരിച്ചു.

നമ്മുടെ കരയോഗത്തിൽ എല്ലാ ഞായറാഴ്ചയും വൈകുന്നേരം 3:00 മണിക്ക് ആധ്യാത്മിക പഠന ക്ലാസ്സ് നടന്ന് വരുന്നു.എല്ലാ കരയോഗം അംഗങ്ങളെയും ഇതിൽ പങ്കാളിയാകാൻ ക്ഷണിക്കുന്നു.

മാസപൊതുയോഗം - പുതുക്കിയ സമയക്രമം

നമ്മുടെ കരയോഗത്തിൽ മാസപൊതുയോഗം എല്ലാ മാസവും മൂന്നാമത്തെ ഞായറാഴ്ച്ച 4:00 മണിക്ക് കരയോഗ മന്ദിരത്തിൽ വെച്ച് കൂടുന്നു. അതേ ദിവസം 3:00 മണി മുതൽ 4 മണി വരെ ആധ്യാത്മിക പഠന ക്ലാസും 4:00 മണി മുതൽ 5:00 മണി വരെ പൊതുയോഗവും, 5:00 മണി മുതൽ പരസ്‌പര സഹായ നിധിയും ഉണ്ടായിരിക്കുന്നതാണ്.

വിദ്യാർത്ഥികൾക്കുള്ള സഹായ പദ്ധതികൾ

സാമ്പത്തികമായി പിന്നാക്കം നിൽക്കുന്ന നായർ സമുദായത്തിലെ വിദ്യാർത്ഥികൾക്ക് പഠനോപകരണങ്ങൾ, ഫീസ് സഹായം, മെറിറ്റ് അവാർഡുകൾ, കരിയർ–ഗൈഡൻസ് ക്ലാസുകൾ എന്നിവ ഒരുക്കി വിദ്യാഭ്യാസ മുന്നേറ്റത്തിനായി കരയോഗം കരുതലോടെ പിന്തുണ നൽകുന്നു.

സമുദായ പ്രവർത്തനങ്ങൾ

വനിതാ സമാജം പ്രവർത്തനങ്ങൾ, ബാലസമാജം അംഗങ്ങൾക്കുള്ള ക്ലാസുകൾ, ആധ്യാത്മിക പഠന ക്ലാസുകൾ, മെഡിക്കൽ ക്യാമ്പുകൾ, വിവിധയിനം ബോധവത്കരണ ക്ലാസുകൾ, താലൂക്ക് യൂണിയൻ പ്രവർത്തനങ്ങൾ, ക്ഷേത്ര ദർശന യാത്രകൾ, ബാലസമാജം അംഗങ്ങൾക്കുള്ള കലാ-കായിക മത്സരങ്ങൾ, രാമായണ പാരായണം.

സാമൂഹിക പ്രവർത്തനങ്ങൾ

ചികിത്സാ സഹായ പ്രവർത്തനങ്ങൾ, വിവാഹ–മരണാനന്തര ചടങ്ങുകൾക്കുള്ള കാർമികത്വം മുതലായ പ്രവർത്തനങ്ങളിലൂടെ സമുദായ അംഗങ്ങൾക്ക് സഹായം ലഭ്യമാക്കാൻ കരയോഗം ആത്മാർത്ഥമായി ശ്രമിക്കാറുണ്ട്.